Стационарный круглосуточный воспитательно-оздоровительный лагерь "Алый парус" расположен в д. Лесковичи, Шумилинский район, Витебская область, Республика Беларусь.
По вопросу приобретения путёвок обращаться по телефону +375 2130 57049
28 июня 2024 г.
"БЕЛАРУСЬ - ЭТО МЫ"- под таким девизом пройдёт 2 смена в оздоровительном лагере "АЛЫЙ ПАРУС".
Торжественное открытие смены состоялось!
Счастливого плавания!
Больше фото из жизни лагеря в группе "Алый парус" ВКонтакте
https://vk.com/club220239899
С 25 ИЮНЯ ПО 10 ИЮЛЯ - ВТОРАЯ СМЕНА В ОЗДОРОВИТЕЛЬНОМ ЛАГЕРЕ "АЛЫЙ ПАРУС". Сегодня "Алый парус" встречает ребят.
05 июня 2024 г.
5 чэрвеня у стацыанарным кругласутачным аздараўленчым лагеры «Пунсовы ветразь» у Лескавічах - дзень заезду.
На першай змене, якая будзе доўжыцца 16 дзён, адпачнуць 75 дзяцей, – расказала начальнік лагера Святлана Раманава. – Адпачываючых чакае цікавая і насычаная праграма:«Міс і містэр лагера», Малыя алімпійскія гульні, «Зарнічка», піяр-кампанія «Зроблена ў Беларусі», прысвечаная Году якасці. Таксама пройдземся «Маршрутамі бяспекі» і ўзгадаем правілы пажарнай, воднай, электрычнай і фінансавай бяспекі, правілы дарожнага руху. Канечне, будзем купацца на возеры. Галоўнае, каб надвор'е не падвяло.
Ссылка: http://www.shumilino.by/?p=73243
Для Дар’і Хадзюковай з Обалі, якая зараз працуе выхавальнікам на трэцяй змене аздараўленчага лагера «Пунсовы ветразь», гэта першы вопыт работы ў якасці педагога, так сказаць, першая лагерная змена. Яна тут самы малады выхавальнік.
Дар’я закончыла два курсы Віцебскага дзяржаўнага ўніверсітэта імя П. М. Машэрава, і калі педагог Обальскай школы Вольга Баранава, якая зараз працуе начальнікам аздараўленчага лагера, прапанавала будучай настаўніцы хіміі і біялогіі паспрабаваць сябе ў ролі выхавальніка, дзяўчына з радасцю згадзілася.
Дар’ю паставілі на першы атрад, у які ўваходзяць 25 старшакласнікаў. Але невялікая розніца ва ўзросце дзяўчыну не пужае, яна ж будучы педагог і разумее, што прыйдзе працаваць у школу не ў пачатковыя класы. І вопыт зносін з падлеткамі будзе толькі на карысць. Тым больш, што на адным атрадзе працуюць трое выхавальнікаў – ёсць магчымасць набірацца вопыту ў старэйшых калег.
«Калісьці сама ў дзяцінстве адпачывала ў лагеры ў Лескавічах, таму арыентуюся тут добра, – кажа Дар’я. – Цяпер жа гляджу на свет вачыма выхавальніка, і карціна зусім іншая. Адчуваю вялікую адказнасць за дзяцей, іх бяспеку і здароўе. Многія з іх надзвычай актыўныя, ім трэба рэалізаваць сваю энергію. Таму кожны дзень праводзім забаўляльныя і спартыўныя мерапрыемствы. Наогул мне падабаецца працаваць з дзецьмі, з многімі ў мяне агульныя інтарэсы».
Дар’я Хадзюкова на наступнае лета, пасля заканчэння трэцяга курса, паедзе ў аздараўленчыя лагеры на афіцыйную практыку. Калі будзе выбар, канешне, аддасць перавагу «Пунсоваму ветразю».
Ларыса ЗАЙЦАВА.
Ссылка: http://www.shumilino.by/?p=72139
Лета спявае, у лагер запрашае!
12 чэрвеня, у Лескавічах было як ніколі мнагалюдна і ажыўлена – пачалася першая змена ў аздараўленчым лагеры «Пунсовы ветразь». Дзеці прыехалі!
На працягу дня выхавальнікі сустракалі дзяцей, прымалі ў іх бацькоў патрэбныя дакументы, суправаджалі хлопчыкаў і дзяўчынак да пакояў. Усяго ў першую змену ў «Пунсовым ветразі» адпачне 71 дзіця, расказала начальнік лагера Святлана Раманава. Мы спыталі ў дзяцей, чаго яны чакаюць ад адпачынку.
Наташа Сіўцова, Шуміліна:
– У «Пунсовы ветразь» прыехала ад-пачываць у восьмы раз! Таму прыкладна ведаю, якія забаўляльныя мерапрыемствы нас чакаюць. Ужо сустрэла сваіх знаёмых хлопцаў і дзяўчат, з якімі адпачывала тут летась. Так што думаю, нам разам будзе добра і весела.
Данііл Грачуха, Мікіціха:
– Я прыехаў у лагер у першы раз. Хочацца, каб было шмат цікавых мерапрыемстваў. Спадзяюся, што будзе шмат часу, каб гуляць у футбол. Я яго вельмі люблю.
Марыя Заблоцкая, Шуміліна:
– У лагеры ў Лескавічах была ў мінулым годзе. Вельмі спадабалася, таму прыехалаі сёлета. Летась пасябравала з віцяблянамі, якія тут адпачывалі. Дружым і зараз. Ад лагера чакаю прыемных сюрпрызаў і новых сяброў.
Радзівон Генак, Шуміліна:
– Я ў лагеры ў другі раз. Прыехаў сюды адпачыць ад вучобы і ад камп’ютара. Лагер жа называецца аздараўленчым, таму планую тут паправіць здароўе, каб быць моцным.
Ларыса ЗАЙЦАВА.
